കൊല്ലം: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച സംഭവത്തില്‍ സഹോദരന് ഉള്‍പ്പടെ 11 പേര്‍ അറസ്റ്റില്‍. കൊല്ലം പൂയപ്പള്ളിയിലാണ് സംഭവം.
ജനുവരി 29ന് പെണ്‍കുട്ടിയെ കാണാതായിരുന്നു. ഇതേതുടര്‍ന്ന് ബന്ധുക്കള്‍ പോലീസില്‍ പരാതി നല്‍കി. തൊട്ടടുത്ത ദിവസം വീട്ടില്‍ മടങ്ങിയെത്തിയ കുട്ടിയെ കൗണ്‍സിലിംഗ് ചെയ്തപ്പോഴാണ് പീഡനവിവരം പുറത്തുവരുന്നത്.
നല്ലില സ്വദേശി ഹൃദയ്, അഭിജിത്ത്‌, റഫീക്ക്, ജയകൃഷ്ണന്‍ എന്നിവര്‍ പീഡിപ്പിച്ചതായി പെണ്‍കുട്ടി മൊഴിനല്‍കി. തുടര്‍ന്ന് നടത്തിയ അന്വേഷണത്തിലാണ് സംഭവത്തില്‍ പെണ്‍കുട്ടിയുടെ സഹോദരന്‍റെ പങ്കും പുറത്തറിയുന്നത്.
ഇന്‍സ്റ്റഗ്രാമില്‍ കൂടിയാണ് പെണ്‍കുട്ടി പ്രതികളുമായി സൗഹൃദത്തിലായത്. പ്രതികളുമായി പെണ്‍കുട്ടിയുടെ സഹോദരന് പരിചയമുണ്ട്. സംഭവത്തില്‍ പെണ്‍കുട്ടിയുടെ സഹോദരനെയും മുഹമ്മദ് നൗഫല്‍, മുഹമ്മദ് സജാദ്, അഹമ്മദ് ഷാ, വിഷ്ണു, അനന്തപ്രസാദ്, പ്രവീണ്‍ എന്നിവരെയും പോലീസ് അറസ്റ്റ് ചെയ്തു.കേസില്‍ കൂടുതല്‍ പേര്‍ പ്രതികളാകുമെന്നാണ് സൂചന.
